Tagkahadlukan na bakuna batok dengue waya makaabot sa Surigao Lujo sa kahadlok nan pipila kabahin sa bakuna batok dengue virus na posible nagbutang sa peligro sa mga kabataan na nabakunahan labi na adton waya pa matakbuyi nan virus, kusganong tagpaklaro sa pagkakuman nan Surigao City Health Officer Dr. Emmanuel Plandano na wayay ikabayaka gumikan kay waya ini makaabot diri sa ato lugar. Sumaya pa niini, an bakuna na denguevaxia an bugtong didto ra sa tuyo ka lugar tag-apod-apod sa Luzon. Gani sa ila pagsubay diri sa Surigao City bisan sa lain-laing eskuwelahan an wayay nabakunahan. Tagtudlo pa ni Dr. Plandano, an paghatag nan bakuna bisan kon tumong an mga kabataan sa mga eskuwelahan an kinahanglan ini mohimo nan koordinasyon sa ila buhatan labi na kay sila an mo-implementar niini. Sa rekord isab nan Prov’l Health Office, tagtindugan nan mga kadagkuan na waya makaabot ini sa Surigao del Norte an kontrobersiyal na bakuna.
