Sa eksklusibong interbyu sa DXDC RMN Davao kang alias Jocno, igsoon sa suspek, iyang gi-angkon nga nalambigit ang iyang igsoon sa akyat-bahay.
Sumala niya, bisan og nalambigit sa kawat ang iyang igsoon apan dili ingon ato ka brutal nga pagpatay.
Dugang niya kung ang usa ka tawo maghimo’g krimen mamahimo kining dakpon lamang ug prisohon tungod kay aduna may balaud.
“Brutal ang pagpatay, dapat ang tawo nalambigit sa krimen o notado siya pwede lang sa dakpon… dili ing-ato nga pagpatay niya,” saysay sa igsuon ni alias Jocno.
Unang nahinabi usab sa DXDC RMN Davao si Police PLT Col. Ronald Lao, Station Commander sa Sta. Ana Police Station, diin ang maong suspek ilado kini sa ilang Barangay nga akyat bahay suspek ug kanhi nadakpan niadtong August 13, 2019 sa kasong droga sa ug nakagawas kini pinaagi sa plea bargaining agreement.
Sa report, girespondehan sa kapulisan ang tawag sa Barangay bahin sa nahisgutan apan giingong unang namusil ang suspek sa otoridad rason nga giproteksyonan sa kapulisan ang ilang hanay ug napusilan ang suspek.
Gidala sa otoridad ang suspek sa ospital apan gideklara kining dead on arrival.
RayoMaN Don Pulayao
