Davao City – Padayong gipanawagan sa tagdumala sa Davao City Overland Transport Terminal (DCOTT) ang mga pasahero ug bus company nga manukad gayud kanunay sa mga designated terminal sa pagsakay sa bus.
Nunot kini sa nahitabong pagpamomba sa bus sa lungsod sa Tacurong, Sultan Kudarat, dili pa lamang dugay diin usa ang patay ug 11 ka mga pasahero ang samaron.
Sumala ni Aiza Usop, DCOTT Manager, bisan sa gawas sa syudad sa Davao, ipatuman gayud ang ‘No Pick Up Policy’ sa mga pasahero sa bus stops ug didto muagi sa terminals aron masusi ang mga bagahe sa pagsigurong luwas ang mga pasahero sa ilang pagbiyahe.
RadyoMaN Paul Canono
Facebook Comments
