Davao City-Anaa sa pinakauna ug ikaduhang pwesto ang Digos City ug Tagum City sa TOP 10 areas nga gipagula sa Department of Health XI nga adunay pinakadaghan og ihap sa mga bag-ong natalang kaso ug mga aktibong kaso sa COVID-19 sa Davao Region.
Matud ni Dra. Annabelle Yumang, DOH XI Regional Director adunay 669 ka mga aktibong kaso sa COVID-19 ang Tagum City, Davao del Norte samtang ikaduha ang Digos City, Davao del Sur nga adunay 571 aktibong mga kaso sa July 24, 2021 nga datos.
Samtang, gikan July 18 hangtod July 24, 2021 nanguna ang Digos City, Davao del Sur sa pinakadagha’g bag-ong kaso sa COVID-19 nga 138, ikaduha usab ang Tagum City,Davao del Norte nga adunay 99 COVID-19 cases.
Gibutyag ni Yumang, sa July 24, 2021 datos sa Critical Care Utilization rate sa CIVID-19 beds, sa 206 ICU beds, 50 na lang ang available, sa 734 isolation beds 378 na lang ang bakante samtang sa 695 ka ward beds 254 ang available ug sa 72 ka mga mechanical ventilators 38 na lang ang wala pa magamit.
Nanawagan si Yumang sa katawhan, nga dili magkumpyansa ug seryusuhon gayod ang pagsunod sa Minimum Public Health Standard batok COVID-19 tungod nakasulod na usab ang Delta variants sa rehiyon.
RadyoMaN Aimee Guinita
