TALISAY CITY, NEGROS OCCIDENTAL – Naglab-ot na sa 17 ka mga bag-o nga salakyan ang ara karon sa syudad sang Talisay sa diin dako ini nga bulig para sa iya mga pomoloyo sa tion nga may ara sang natural calamities ukon insedente.
Suno kay Mayor Neil Lizares III ang mga ini ang kabahin sang direksyon sang syudad para sa mas maayo nga serbisyo kag pagpataas moral sang mga Talisaynon nga pinasahi naman sa iban.
Ang Crew Cab 4×4 HINO Ranger Rescue Truck ang naga-isahanon sa probinsya nga may state of the art features kaangay sang HIAB Rear Mounted Knuckle Boom Crane, front and rear winch, equipped sang 360” rotary telescopic light mast kag search lights.
Nagaserbisyo na ang amu nga truck bisan pa sa kaiping nga syudad kag banwa humalin nga ginbakal ini sang April 10, 2017.
Magluwas dira may ara man sang isa ka unit sang Garbage Compactor ang syudad sa diin pila sa mga features sini amu nga water cooled, 4 cycles, inline, OHC with automatic engine stop.
Isa pa gid diri ang isa ka Unit sang fully reconditioned Double Cab Rescue Fire Truck. Isa ini ka chemical Fire/Rescue Engine nga may multiple large compartments kag may nagkalain lain nga rescue tools and equipment nga may total tank capacity nga 3000L.
Sang December 12, 2017, ang Toyota Motors Philippines Corp. ang nagturn-over man sa City of Talisay paagi kay Mayor Neil E. Lizares III sang apat ka unit sang brand new nga Toyota Grandia Passenger Van nga ginpanagtag sang alkalde sa pila ka mga departamento.
Dala man sa blessing kahapon amu ang 3 units sang ambulansya, 2 units Hi-lux Pick up one para sa CDRRMO, isa sa PNP lakip man ang isa ka unit rescue vehicle para sa gihapon sa CDRRMO.
