TALISAY CITY, NEGROS OCCIDENTAL – Naga-gwa sa imbestigasyon sang Talisay City Police Station nga sala sang driver sang Ford Everest ang natabo nga vehicular accident kon diin 5 ka mga salakyan ang nagkarambola kahapon sang hapon sa Access Road sa area sang Had. San Jacinto, Brgy. Matab-ang, Talisay City.
Ang insidente natabo may mga las 3:50 kahapon sang hapon kon diin na-involved ang 5 ka mga salakyan nga ginalakipan sang Ford Everest nga gina-maneho ni Gian Carlo Ayalin, legal ang edad upod ang iya pasahero nga sanday Rich Denrel Piorque, 19, sang Brgy. Alijis, Allain Alborante, 20 sang Brgy. Bata, Neil Ynson,19 sang banwa sang Isabela kag Reban Guintos, 20, sang Brgy. Villamonte.
Innova nga ginamaneho ni Jaylord Cordova sang Brgy. Mabini, Escalante.
Mazda nga ginamaneho ni Joe Jay Doctora, 58 sang Brgy. Taculing.
Carry nga gina-maneho ni Harold Angat, legal ang edad sang EB Magalona upod ang iya pasahero nga sanday Mark Almansor, 32, Erica Almansor, 27, Rosinni Angat kag ang duha ka tuig nga bata nga babayi lunsay pumuluyo sang EB Magalona.
Isuzu Truck nga ginamaneho ni Leonilo Milabo, 56 anyos akg Elsie Milabo, 47 lunsay pumuluyo sang 2 Hermanas, Talisay.
Base sa initial investigation sang Talisay City Police Station ang driver sang Everest naga-biyahe halin sa Norte padulong sa Sur nga bahin sang ini ang nag-overtake sa Isuzu Truck.
Apang na miscalculate niya ang speed kag distansya sang nasugata sini nga mga salakyan halin sa sur gani nag-apply ini sang break ukon preno apang nadulaan na ini sang control gani nagtiyog ini kag una niya naigo ang unahan left wheel sang truck.
Sunod nga nabungguan sang Everest ang Multicab ukon Carry nga nagadalagan naman sa opposite nga direksyon kon diin antes nga nakapundo ang Everest, naigo naman niya ang Innova nga naga-travel halin sa North pakadto sa South.
Bangud sang impact, nagtiyog-tiyog man ang truck rason nga nagkala-ula ang karga sini nga mga scrap.
Samtang, ang Mazda naman nga nagatravel South to North ang nadalasa sang Carry.
Ini nga aksidente nagtuga sang kasamaran sa mga driver kag pasahero sang amo nga mga salakyan nga padayon karon ginabulong sa nagkalain lain nga ospital ilabi na ang pito nga malubha ang sitwasyon.
Kaso nga reckless driving posible atubangon sang driver sang Everest./dyHB BACOLOD
