Davao City – Adunay dakung epekto sa dagan sa negosyo ug turismo ang pagkuyanap karon niining gika-alarma nga 2019 novel coronavirus – acute respiratory disease (2019-nCoV ARD) nga naggikan sa Wuhan, Hubei Province sa China.
Sumala ni Prof. Adrian Tamayo, Mindanao Development Authority (MinDA) Information Officer, nagtoo siya nga dili magdugay ang maong balatian sa iyang pagkuyanap ilabi na dinhi sa nasud tungod kay paspas ang gihimong pagresponde sa atong gobyerno batok niini.
Nagtoo si Tamayo nga adunay epekto sa health kun panglawas, sa ekonomiya o sa pamatigayon ilabi na sa China ang padayong paglampornas ning maong klase sa balatian apan dili kini molungtad og taas nga panahon sanglit plastado na man ang tanang mga contingency measures sa mga kanasuran.
RadyoMan Bernard Pantallon
