Isa sa mga posibleng maka resulta sa pag uga sa atong panit mao ang pirmi nga pag-expose sa mga kemikal.
Isa sa mga makapa-uga sa atoang panit mao ang mga sabon panlaba, tungod sa kakusog niini makapa-uga sa atoang panit.
Dili maayo ang pirmi nga pagkalot sa inyong panit.
Kung pirmi ninyo kaluton ang inyong panit mapakpak ang *upper layer *sa panit, hinungdan sa pag *evaporate* sa natural nga mga mantika nga maoy makahatag ug *moisture* sa atoang panit, kung wala na ang natural moisture diri magsugod ang pag-uga sa panit.
Aside sa dili nindot kini nga tan’awon, dili pud dapat nato ni pasagdan tungod kung mudako ang mga crack sa atong panit, maadto kini sa pag samad-samad nga maoy hinungdan sa impeksyon.
Para mubalik ang moisture sa atong panit, ania ang mga tip aron makatabang ninyo.
1. Anada nga magbutan og lotion nga makauyon sa inyohang panit kada adlaw.
2. Siguroha nga *hypoallergenic *ang lotion nga imong gamiton og wala kini sagol nga isug nga kemikal.
3. Dapat magpabilin nga hydrated ang imohang lawas. Inom og walo ka basong tubig o subra pa sa usa ka adlaw.
4. Makatabang pud ang pag-inom ug Vitamin B supplements aron makabaton ug nindot nga pamanit.
Aron makabaton og nindot og natural nga pamanit nga makita lang sa balay, Ania ang uban pang pamaagi.
1. Pwede isagol ang gata sa lubi, gikagod (sapal) og red rice aron mamahimong schrub nga ipampahid sa inyohang mga panit. Hinay hinayon kini og pahid aron matanggal ang inyong dead skin.
2. Isa sa mga pwede mahimong moisturizer ang asukal. Isagol ang 3 ka kutsarang asukal og coconut oil. Isagol kini og ipahid hinay hinay sa imohang panit.
Kung aduna moy gustong idungag aron madungagan pa ang mga butang nga himoun aron mawala ang dead skin, i-comment lang kini sa baba.
Para sa Tip Ni Luningning ug uban pa, paminawa ang programang “u&i” 9pm-12mn sa 93.9 iFM Davao.
