Wala nay epekto ang tanang executive order, kon E.O. sa tanang local government units sa tibo-ok nasud, nga maoy nagmando sa local nga patakaran alang sa implementasyon sa General Quarantine, niining nagpadayong hulga sa covid 19.
Mao kini ang gibutyag ni mayor Oscar Moreno, human gipakana-og ni President Duterte niadtong May 1, ang iyang “Unified Guideline” sa General quarantine.
Ang Unified guideline nga gipanaka-og sa Presidente, nagmando nga usa ra ka patakaran ang sundon sa mga local officials sa pakigbatok sa killer virus. Matud sa Mayor, nga tungod sa unified guideline sa Presidente, “Superseded” na, o wala nay epekto ang mga executive order sa mga local officials.
Kay matud ni Moreno, nga ang Unified guideline na sa Presidente, mao ray sundon sa mga LGU, aron usa ra patakaran ang ipatuman sa tanang local government units, sa ilang General quarantine.
