Negatibo sa ilang swab test ang tanang miyembro sa pamilya sa usa ka 21 anyos nga lalaking namatay sa disgrasya sa barangay Lumbia ug nagpositibo sa corona virus.
Mao kini ang gibutyag ni Dr. Joselito Reyuta sabay sa iyang pag-ingon nga lakip ang mga silingan ug mga higala sa maong pasyente negatibo sa Covid-19.
Kini ang gibutyag ni Retuya human gipagawas sa Department of Health niadtong milabayng semana ang swab test sa nasangpit nga Person Under Monitoring.
Ang report ni Dr. Retuya, ang gikahimoot ni Mayor Oscar Moreno.
Matud sa mayor nga resulta sa swab test sa pamilya, silingan ug mga higala sa Lumbia covid patient nagpakita nga nagka hinay ang pagtakod takod sa corona virus ning syudad.
Apan bisan pa niini, gipaabot sa mayor nga dili gihapon angayan magkompiyansa batok sa makamatay nga sakit.
