Gimando-an ni Cagayan de Oro City Police Office o COCPO Director Col. Henry Dampal ang tanang police personnel ning syudad sa Cagayan de Oro nga sundon ug maayo ang mga patakaran nga gipatuman sa Inter-agency Task Force kon IATF.
Kini nga mando subay sa nagpadayon nga pagpatuman ni Mayor Oscar Moreno sa General Quarantine ning syudad silbing kampanya pagsumpo sa Corona virus.
Gipahinumdoman usab ni Dampal ang tanang police ning syudad nga dili modawat sa ayuda gikan sa Social Amelioration Fund kon SAF ug sa bisan unsang mang cash assistance gikan sa nasudnong kagamhanan.
Matud ni COCPO Spokesperson Police Major Evan Viñas nga gidid-an ni Dampal ang tanang police sa COCPO nga modawat sa bisan unsa mang ayuda financial sa national government tungod sa mando ni President Duterte.
Una pa niini, gimando sa Malakanyang nga kinahanglan mag-isyu og wavier ang usa police personnel kon makadawat kini og SAF o bisan usa mang financial assistance gikan sa gobyerno niining panahon sa Crisis sa Covid 19.
-o0o-
