Giila karon isip pinaka unang drug-free city sa Northern Mindanao ang Tangub City sa Misamis Occidental.
Kini ang gipahibalo pinaagi ni Police Regional Office o PRO 10 Director Police Brigadier General Timoteo Pacleb sa usa ka seremonya sa Tangub City.
Matud ni PRO 10 Spokesperson Police Lieutenant Colonel Surki Sereñas nga kini human na-comply sa Tangub City ang tanang requirements nga gihatag sa Dangerous Drugs Board Resolution number 03, series of 2017.
Lakip niini ang kawalay supply sa druga sa lugar, walay drug den, pusher ug user, walay drug laboratory, aktibong pagsalmot sa mga barangay officials sa anti-drug activities, dunay drug awareness, preventive education and information ug dunay voluntary ug compulsory drug treatment and rehabilitation processing desk.
Ang drug free declaration nahimong opisyal pinaagi sa resolusyon sa oversight committee nga giaprobahan ni PDEA Region 10 Director Wilkins Villanueva, DILG 10 Director Arnel Agabe, PRO 10 Director Pacleb, DOH 10 Director Nimfa Torrizo ug Tangub City Mayor Atty. Philip Tan.
