Roxas City, Capiz- Isa ka letter of appeal ang ginpadala ni Capiz Vice Governor Estevan “Nonoy” Contreras padulong kay former DILG Secretary Mar Roxas matapos nga mismo si Roxas ang nagpahayag nga nagapabailin nga kandidato sa gihapon sa pagka-gobernador sang LP si Capiz Governor Tony Del Rosario.
Kon mahibalo-an nga ginkadismaya ni Contreras ang indi pagtuman ni del Rosario sa suno diri sang ila “gentleman’s agreement” nga si del Rsaorio naman amo ang maga-paiway sa pagkagoberandor sa 2019 midterm elections kag igatugyan sini ang posisyon kay Contreras.
Sa amu nga sulat naghinyo si Contreras sa Liberal Party nga suportaran ini sa pagpadalagan bilang gobernador matapos nga iya ginpunto nga mismo ang iloy ni Mar Roxas nga si Mrs. Judy Araneta-Roxas amu ang nagpromisa nga maga-kampanya ini para sa iya sa 2019 midterm elections.
Sa madumdoman nga isa sa mga nangin balasehan sang liwat pagpili kay del Rosario bilang kandidato sang partido amu ang eligibility sini bilang incumbent kag wala sang may nagpahayag sang pagpamatok diri.
