Duha ka mga lalaki ang napatay matapos nga aksidente nga natumba ang ila ginasakyan nga tanker truck nga may karga molasses sang nagligad nga Miyerkules sa highway nga nasakupan sang Brgy. Nangka, Bayawan City, Negros Oriental.
Ginkilala ang mga biktima nga sanday Nick Boy Cadayona, 30 anyos, helper sa truck kag ang isa pa nga si JR Gantalao, 19 anyos samtang ang 37-anyos naman nga drayber ang ginakilala pa.
Ginpahayag nga ang truck ang naghalin sa central Bayawan kag buot kuntani nga magpadulong sa banwa sang Sta. Caralina, Negros Oriental sang natabo ang aksidente.
Suno sa Bayawan City Police Station, ang mga biktima ang nagasakay sa isa ka 14-wheeler tanker kag sang ini ang nagadulhog na sa kurbada nga bahin sang dalan, nadulaan sang kontrol sang manubela ang driver rason nga ini ang natumba.
Pahayag sang pulis nga nag-apply pa sang preno ang drayber apang wala na niya ini na-control kag natumba nga gintunaan sang pag-awas kag pagtupa sa kanal ni Cadayona samtang si Gantalao ang na-ulaan naman sang molasses halin sa truck.
Nag-angkon sang pilas sa ulo kag sa ila lawas ang mga biktima rason sang ila hinali nga kamatayon.
[image: image.png]
