Dead on Arrival sa balay tambalanan ang biktima human kini ge luba didto sa Brgy. Bacong, Lungsod sa Salug.
Naila ang biktima nga si Dominador Sanungan Gumela Jr. 37 anyos, usa ka brgy Tanod sa maong barangay.
Ang giluba kini sa suspek nga si Nonito Pamil Imbanga alyas NONING, hingkod ang pangidaron, sakop sa Special Civilian Armed Forces (SCAA).
Sa gihimong imbistigasyon nasayran, ang biktima ug ang suspek nag inom kini sa Cabigon’s Sari-Sari Store ug nagkasumpaki kini nga miresulta na hinuon sa panag-away. Gisulayan pa kini ug tambag sa ilang mga kauban apan milanit na hinuon ug hinagiban ang suspek ug miluba sa makadaghan nga higayon ngadto sa biktima.
Dali pa unta kining gidala sa duol nga tambalanan apan gibawian na sa iyang hinulaman nga kinabuhi.
Ang supek dali nga midagan sa wala matino nga direksyon bitbit ang ge gamit nga hinagiban. Gani dali nga nagpahigayon ug pursuit operation ang kapulisan sa Salug apan pakyas sila nga masikop human naka eskapo.
