Target drug personality, patay sa buy-bust operation sa Polomolok, South Cotabato.

Patay ang target sa ginpatigayon nga buy –bust operation sang gintingob nga pwersa sang Polomolok MPS, 10th SF intelligence Operative sang 5th SF Battalion sa koordinasyon sang PDEA 12 sa Purok 6 Brgy Crossing Palkan, Polomolok South Cotabato, alas 10:50 sang aga sang Enero 27,2021.
Ginkilala ang suspek nga napatay kay Bernardo Panelo Durias, alias “Ben Durias”, 38-anyos kag residente sang Brgy. Koronadal Proper, Polomolok South Cotabato.
Samtang base sa report sang Polomolok MPS sang namutikan sang suspek nga polis ang nakatransaksyon sini nagkuha ini sang armas luthang sa service vehicle nga isa ka Toyota Hilux kag gintiro ang implementing team rason nga nagbalos man ang mga otoridad.
May-angot sini, nakaangkon sang igo sang bala ang suspek kag gilayon man nga gindala sa Polomolok Municipal Hospital, apang gindeklarar nga dead on arrival (DOA) sang attending physician.
Nakuha naman sa natabuan sang insidente ang isa ka unit sang thongram caliber 9mm pistol with magazine loaded with seven cartridges, sling bag may unod nga mga resibo, ID’s, 2 ka empty cellophanes, 2 ka aluminum foils, P1, 000.00 buy bust money kag 3 ka heat sealed transparent plastic cellophane may unod nga white crystalline substance, 2 ka fcc sang alleged cal 9mm kag salakyan sang suspek.
Nagalab-ot naman sa more or less 2 grams kag nagakantidad sang P13, 720.00 ang nakuha nga shabu sa suspek.
Samtang ang suspek suno pa ang miyembro sang Daulah IslamiyahSOCSARGEN Khatiba kag ginakabig nga spotter sang nasambit nga local terrorist group nga nagamonitor sa PNP kag AFP personnel deployment kag Philippine Army.

Facebook Comments