Target-listed drug personality arestado sa buy-bust operation sang Pdea 12 sa Sultan Kudarat.

Arestado ang isa ka target –listed personality sa ginpatigayon nga buy-bust operation sang gintingob nga pwersa sang Philippine Drug Enforcement Agency ukon Pdea 12 kag local police sa Purok PC area, Barangay Pag-asa, Kalamansig, Sultan Kudarat pasado alas 6:00 sang tinalikdan nga gab-i.
Ginkilala ang suspek kay Danilo Academia Mallari, 47-anyos, jobless kag residente sang Brgy. Poblacion, Kalamansig, Sultan Kudarat, matapos magpasugot nga magbaligya sang isa ka sachet sang shabu sa PDEA Agent nga poseur buyer kambyo sang Five hundred pesos (Php 500.00) buy-bust money.
Nakumpiskar man sa possession sang suspek ang 5 ka sachets sang shabu nga may kabug-aton nga more or less eight (8) grams kag may market value nga Forty thousand pesos (Php 40,000.00).
Nakasentro naman ang illegal drug transactions sang suspek sa probinsya sang Maguindanao kag kaiping nga munisipalidad rason nga nabutang ini sa target-list sang PDEA ARMM.
Kilala man suno pa ang suspek nga notorious sa drug trafficking activities sa iya nga lugar.
Kaso naman nga pagbayolar sa Section 5 kag 11 Article II sang Comprehensive Dangerous Drugs Act of 2002 ang ipasaka batok sa suspek nga sa subong nakadetine sa PDEA12 Detention Facility.