Cotabato Province—Dakpan sa operatiba sa Philippine Drug Enforcement Agency (PDEA) regional office-12 ang usa ka target-listed personality atol sa gipahigayong buy-bust nga gipahigayon kagahapong adlawa January 14, 2020, alas 5:15 sa buntag sa may Manuel L. Quezon Avenue, Brgy. Poblacion, Pikit, Cotabato Province.
Suspek giilang si Joland Dela Cerna Alias Jek-Jek, 28, minyo, butcher, ug residente sa Colony St., Brgy. Poblacion, Pikit, Cotabato Province.
Nasikop ang nahisgutan human nga nga napalitan ug usa ka sachet sa gituohang shabu gamit ang P500.00 nga buy-bust money.
Nakuhaan pa ug laing unom ka sachets sa suspected shabu nga gibana-banaang nagkantidad ug 3,400.00 pesos ang suspek.
Nasayran nga tuig 2016 pa dihang ginapanid-an na sa kapulisan ug taga PDEA si Dela Cerna apan idlas matud pa ang nasampit.
Kasong kalapasan sa Section 5 ug sec. 11, sa Article II sa Republic Act 9165 ang gipasang-at nga kaso batok sa suspek.
