Patay ang target sa implementasyon sang Search Warrant sang gintingob nga pwersa sang Polomolok MPS, SCPMFC, RMFB 12, Intel operative sang 5th Special Forces Bn, PA , alas 5:25 kahapon sang aga, Enero 21,2021. Ang search warrant ang batok kay Insik Mamalinta alias Kamarudin Sante nga kilala kay Alias Abu nga ang matuod nga pangalan Kaharudin Markay Santi, 35-anyos, jobless kag residente sang Prk 9, Brgy Koronadal Proper, Polomolok South Cotabato. Base sa report sang Polomolok MPS, si Santi ang lakip suno pa sa Top 10 Municipal Drug Personality kag miyembro Daulah Islamiya-Maguid Group (SOCKSARGEN KATIBA). Samtang, sang namutikan sang suspek ang presensya sang mga otoridad nagkuha ini sang pusil kag gintiro ang implementing team. May-angot sini, nagbalos man ang mga utoridad nga nagresulta sa pag-angkon sang igo sang bala sang suspek. Gindala pa sa ospital ang suspek, apang gindeklarar ini nga DOA sang attending physician. Nakuha naman sa lugar ang isa ka unit sang caliber 38 revolver nga kargado sang tatlo ka mga bala kag 1 ka fired cartridges case, 3 ka FCC sang 5.56mm. Narekober naman ang illegal drug paraphernalia, 10 ka rectangular shape sang heat sealed transparent cellophane sachet nga may unod nga suspected shabu, may kabug-aton nga more or less 1 gram kag nagakantidad sang P 6,860 per gram, 1 ka rifle grenade. Ang nakuha nga shabu ang gindala sa PCLO South Cotabato, samtang ang rifle grenade ang ginturn-over sa South Cotabato EOD team.
