Sultan Kudarat— Patay sa gipahigayong search warrant operation batok illegal nga droga sa Sultan Kudrat Police Office ang target nga si Fernando Orpilla Jr., hamtong ang pangidaron nga residente sa Lambayong, Sultan Kudarat.
Sumala kang Police Superintendnet Aldrin Gonzales, tigpamaba sa Police Regional Office 12 nga alas 12 pasado ang takna sa tungang gabii dihang gihimo ang operasyon sa Prk. Namnama, Brgy. Poblacion, Lambayong, Sultan Kudarat
Nakuha gikan sa posisyon sa suspek ang usa ka homemade pistol nga may buhing bala sa 12 gauge shot gun ug usa ka hand grenade.
Dugang pamahayag ni Supt. Gonzales nga dihang makit-an sa tropa nga adunay gunit nga granada ang suspek ug misinggit nga kini ilabay sa tropa, gi-unhan na kini ug pusil aron nga malikayan ang mas dakong damyos.
Dead on the spot ang target nga si Orpilla kung asa gikaingon nga dugay na ning lambigit sa illegal nga droga.
Sa karon matud pa ginasuta pa sa pulisan kung lambigit ini sa usa ka organisadong grupo o sindikato gumikan sa granadang nakuha gikan sa osisyon niini.
