Ginaekspektar ni Philippine Statistics Authority 12 (PSA) Regional Director Atty. Maqtahar L. Manulon nga madamo pa ang marehistro nila sa National ID System, sa subong nga gindugangan sang 44 ang gindeploy nga makina sa rehiyon para sa nagapadayon nga registration.
Sa subong suno sa iya yara na sa 200 thousand ka mga indibidwal ang narehistro sa PhilSys sa bug-os nga rehiyon nga manubo pa sa target nila tungod bag-o lang nadeploy ang iban nga machines kag apektado sang ginapatuman nga restriksyon.
Suno kay RD Manulon sa pagtakop sang tuig target nila nga makarehistro sang 2 million nga populasyon sang rehiyon.
Pahayag ni Manulon nga makit-an ang ila nga registration centers sa mga Municipal Hall kag mga malls.
Ginhatagan punto sang regional director nga daku ang mahatag nga benepisyo sang national ID kapareho na lamang nga mapadasig ang transaksyon sa gobyerno kag pribado nga sektor, kon benepisyaryo sang ayuda sang gobyerno diritso na sa bank account, malikawan ang korupsyon sa programa sang gobyerno kag madamo nga iban pa.
May-angot sini, ginaawhag ni RD Manulon ang pumuluyo sa rehiyon nga magparehistro sa PhilSys.
