Pangunahan sa Kapitanes sa Barangay ang gimugna nga taskforce alang sa pagsumpo sa sakit nga dengue.
Nasayran nga kini magdepende kung kinsa ang mahimong miyembro sa maong taskforce.
Gawas sa barangay taskforce, naghimo usab og taskforce ang City Health Office.
Matud ni Dra. Fe Bongcas sa Cityhealth nga sa karon dili pa matawag nga epidemic ang natala nilang kaso sa dengue tungod kay mas taas pa ang kaso sa dengue sa mga miaging katuigan kompara sa karon nga tuig.
Apan giklaro niini, nga karong tuiga, lauman na ang taas nga kaso sa dengue.
Kinahanglan nga moderetso na sa health center ang mga tawo nga adunay hilanat.
Kini tungod kay ang health center, adunay mga pamaagi aron mahibaw-an kung dengue o dili ang hinungdan sa hilanat.
Kung positibo nga dengue, i-refer dayun kini sa health center sa hospital, aron nga maadmit ug matagaan og saktong tambal.
