Task force Coliform, gimugna sa konseho aron mosusi sa gikareport nga leakage sa sanitary landfill sa Cagayan de Oro

Gimugna karon sa konseho ang Task force Coliform nga pangulohan ni Konsehal Suzette Magtajas-Daba.

Kini nga taskforce ang mosusi sa gikareport nga leakage sa sanitary landfill, sa Barangay Pagalungan ning dakbayan.

Nasayran nga gibutyag ni Kapitan Rodolfo Nacario, nga adunay leakage gikan sa landfill nga maoy hinungdan sa pagkaylap sa sakit sa panit sa mga residente, ilabi na ang duol sa Iponan river.

Dugang pa ni Kapitan Nacario nga gawas sa mga sakit, nangamatay usab ang mga isda nga maoy gakuhaan og panginabuhi sa barangay.

By: RadyoMaN Mishelle Enloran
Web photo