Dinhi sa atong nasud basta makakita ka ug mga Pinoy nga napuno na ug tattoo, moingon dayon ka ug gikan sa presohan/piniriso. Apan sukwahi kini sa duha kamga bata nga tattoo artist.
Kasagaran sa mga bata nga nagpangidaron ug 12 anyos imo kining makita nga nagsige ug yampungad sa kumpyuter/ gadgets tungod sa ka modern sa atong panahon karon. Kini si Ezrah Dorman gikan sa Panama nga sako sa pag tattoo sa iyang mga kliyente. Ilado kini siya tungod kay bisan linghod pa ang iyang pangidaron makamao na, gani popular kini sa tibuok kalibutan.
Ang iyang career nagsugod kini pinaagi sa pagtan-aw ngadto sa Honolulu owner nga si Ali Garcia, samtang gibutangan ug tattoo ang iyang inahan.
Sa laing bahin ang pinakabata nga tattoo artist mao si Ruby Dickinson. Sa edad nga 4 gitagaan kini siya sa iyang amahan ug toy kit tattoo para mag tattoo lesson sa shop sa iyang amahan human kini sa iyang nursery school.
Sa pagkakaron hapit na kini mamugna ug kaugalingong bersyon nga kung diin paborito niyang disenyo ang damang/Lawa/gagamba.- MARK A. BACROYA
