BORONGAN CITY, Eastern Samar – Ginpamumusil, patay an tatay han nakandidato pagka-kapitan ha barangay Pinanag-An, Borongan City, Eastern Samar.
Basi ha report, ginkilala an biktima nga hi Mario Elpedes, 77 anyos, may asawa ngan residente ha nasabi nga barangay.
Basi ha inisyal nga imbistigasyon han mga otoridad, mayada dara-dara nga dako nga kantidad hin salapi an biktima kun diin gintambangan hiya han diri pa nakikilala nga mga suspek.
Mga armado daw an nagpapaluyo han pagkamatay han biktima kun diin tigda nala nga nagpauran hin bala ngadto ha biktima.
Pagklaro han Borongan PNP, waray kalabutan ha eleksyon an nahinabo nga insidente.
Nakandidato an anak ni mario elpedes ha barangay pinanag-an.
Nagpapadayon pa an imbistigasyon han mga otoridad agud madakop an mga suspek.
