SILAY CITY – Ginbawian sang iya kabuhi ang apat ka bulan nga lapsag matapos nga ginhaboy ini sang iya amay sa haligi bangod sa untat nga hibi.
Ang bana nga si ginkilala kay Boy ang detenado subong sa custodial facility sang Silay City PNP.
Suno sa asawa nga ginkilala kay Inday, kaina sang kaagahon grabe ang hibi sang ila bata rasun nga ginpakungkong nya ini sa iya nga bana para magtempla sang gatas.
Apang bangod kay naling-angan ang iya bana, iya ginhaboy ang lapsag kag nagbunggo sa haligi.
Nakaagom sang pilas sa ulo kag baba ang lapsag.
Ginhakwat pa ini sang iloy kag ginpadidi sa bibiron apang wala na ini nagdidi.
Makaligad ang pila ka oras, napatay ang bata posibli bangod sa internal hemorrhage.
Ang bangkay sang lapsag ara nahaya sa Manapla Funeral Homes sa Silay City.
