CAUAYAN, NEGROS OCCIDENTAL – Gin-inquest na ang amay nga si Jolito Alandroque, 47, pomoloyo sang Purok 5, Barangay Basak, banwa sang Cauayan, ang tatay nga naghakwat kag naghulog sang iya 28 days old nga lapsag sa salog nga gintunaan naman sang gilayon nga kamatayon sang bata.
Sa imbestigasyon sang Cauayan PNP, las 11 sang gab-i, Disyembre 28, nanginit ang amay nga hubog matapos iya nabatian nga pwerte ang hibi sang iya baby girl rasun nga iya ini ginpalapitan, ginbitin paibabaw kag ginbuy-an derekta sa salog.
Bangod kay mahumok pa ang ulo kag lawas sang lapsag gilayon nga nadulaan ini sang ginhawa kag napatay.
Sa Hall of Justice kaina, gin-updan gid sang iya asawa ang mga otoridad para mafile ang kaso nga parricide kontra kay Jolito.
Ini siya ang ginbalik na custodial facility sang Cauayan PNP para atubangon pormal ang kaso kontra sa iya sa diin ini ang indi naman mahimo pyansahan.
