BACOLOD CITY – Tatlo ka mga tawo ang nabiktima sang pickpocket sa separado nga insidente kag lugar kahapon sa ciudad sang Bacolod.
Una nga biktima amo ang dalaga nga nakilala kay Ariane Yzabelle Abal, 21 anyos, residente sang HermelindaHomes, Brgy. Mansilingan, Bacolod City.
Ang insidente natabo mg alas 11:20 kahapon sang aga sa sulod ang Dela Rama mall sa dalan Luzuriaga kon diin nadiskubrehan niya nga bukas na ang iya sling bag kag missing na ang iya wallet nga may unod nga 400 pesos cash.
Ikaduha nga insidente natabo may mga la 1:30 sang hapon sa sulod sang Bacolod City Cenral Market.
Biktima diri amo si Eduardo Mondido, 29 anyos ang edad tumandok sang Brgy. Nanunga, Hinigaran.
Suno kay Mondido nga ginhambalan na lamang siya sang isa ka babayi nga bukas na ang iya backpack kag sa iya paglantaw, wal ana ang iya wallet nga may unod nga 2 mil pesos nga cash kag importante nga mga ID.
Samtang, may mga las 2:20 naman kahapon sang hapon sa sulod sang isa ka daku nga mall sa reclamation area, nabiktima man sang pickpocket si Aaron Madalag, 46 anyos ang edad, isa ka balo kag pumuluyo sang Brgy. Alijis.
Ginpahayag ni Madalag nga ini siya ang nagkadto sa south wing sang amo nga mall agud nga magtaya sa Lotto apang iya nadiskubrehan nga nadula na ang iya wallet nga iya ginsulod sa wala nga bulsa sang iya pantalon.
Tuman ang kasubo sang biktima bangud nga ang iya wallet ang may unod nga P10,000 pesos kag importante nga mga ID.
Bangud sini, sunod sunod nga nagkadto sa Police Station 1 ang mga biktima agud ipa-record ang natabo sa ila./Facebook post photo/ Credit to the owner of this photo
