Tatlo ka lugar sang Barangay 18 syudad sang Bacolod gin-lockdown matapos nga may duha ka nagdugang nga covid-19 positive

14

Gin-seal off anay temporaryo ang pila ka mga balay nga nasakpan sang Barangay 18 syudad sang Bacolod para sa disinfection matapos nga may isa ka babayi nga hospital personnel kag isa ka nurse ang nagdugang nga nagpositibo sa COVID-19.


Suno kay Punong Barangay Madelyn Diaz, sa interview sang DYHB, tatlo ka mga lugar ang apektado sang lockdown sa nasambit nga barangay kun sa diin naga arkila ang mga nagpositibo nga mga boarders.

Magluwas sa nurse kag hospital personnel, una nga nag-positibo sa COVID-19 ang isa ka lalaki nga hospital personnel kag duha sa iya co-worker nga kaupod niya man sa boarding house sa nasambit nga barangay.

Sa karon anum na ka mga COVID-19 positive ang na record sa lugar, ini sila ang mga boarders ukon temporaryo naga pang arkilala sang balay sang amo nga barangay.

Dugang ni Diaz nga temporaryo anay nga ginpasirad-an ang mga kalan-an kag balaligyaan nga masami ginakadtuan sang mga nagpositibo tubtob sa adlaw nga Domingo para sa disinfection.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments