Tatlo ka mga Information Officers sa Capiz, pagakilalahon bilang Best Public Information Officers sa Western Visayas!

45

Roxas City, Capiz- Tatlo ka mga Information Officers nagikan sa probinsya sang Capiz ang pagapasidunggan sang Philippine Information Agency matapos nga nadala ang mga ini sa Best Performing Information Officers sa bug-os nga Western Visayas.
Pagakilalahon bilang Best Performing Information Officers sanday Margie G. Gimeno sang lokal nga pamunuan sang banwa sang Tapaz, Police Executive Master Sergeant Donna B. Asmod sang Capiz Police Provincial Office, kag FO1 Don Anthony Falsis sang Roxas City Fire Station sa idalom sang Bureau of Fire Protection.
Si Gimeno ang magabaton man sang Hall of Fame Award matapos nga nangin Best Performing Information Officer ini sa tatlo ka sunod-sunod nga tuig humalin sang 2017 tubtob subong nga tuig.
Pangaduha naman ini nga tuig para sa pagbaton ni Asmod sang amo man nga pagkilala sa PIA kag nangin Hall of Fame Awardee na sang 2013.
Ang tatlo ka mga pagapasidunggan ang kalakip man sa mga aktibo nga katapo sang Capiz Association of Government Public Information Officers (CAGPIO) nga ginapmunuan sang PIA-Capiz.
Kalakip sa pagakilalahon man nga Best Performing Information Officers sa Rehiyon 6 sanday Jaypee Entredicho sang Guimaras LGU, Liza Joyce Sangcayawon sang PhilHealth Antique, Judy Mae Sajo sang DILG Antique, Montessa Caoyonan sang DSWD 6, kag Sheila Mae Toreno sang Department of Agriculture 6.
Patigayunon ang awarding ceremony sa maabot nga Disyembre 13 sa Bacolod City sa pagahiwaton nga Western Visayas Information Officers’ Year-End Conference and Awards.
(JBG/PIA6-Capiz)

Facebook Comments

From Advertisers