Tatlo ka mga bag-o nga kaso sang coronavirus disease 2019 kahapon, July 31, 2020 ang isa ka pamilya nga halin sa Rizal Memorial Stadium.
Nangin trending ang nasambit nga pasilidad matapos nga halos 8,000 ka mga locally stranded individuals (LSI) ang nagpadulong sa lugar samtang nga nagahulat sang biyahe papuli sa tagsa tagsa ka probinsya. Ginaalegar nga wala ma-observe ang physical distancing sa ila pagtinir sa lugar.
Lakip sa mga natapikan si Himamaylan Patient No. 25, 44 anyos, ang amay nga residente sang Barangay Libacao.
Samtang si Patient No. 26 naman, ang 56 anyos nga iloy ang positibo man sa COVID-19. Upod man sini nga nagpositibo ang 1-year-old nga lalaki nga bata sang duha.
Suno sa social media post ni Mayor Raymund Tongson, July 26 las 10 sang aga sang nag-abot sa Rizal Memorial Stadium ang tatlo. Las otso naman sang gab-i sa amo man nga adlaw sang gindala ang mga ini sa Manila Port.
July 27 las tres sang hapon sang nagsakay ang tatlo sa barko sang 2GO.
Gab-i sang July 28 sang nag-abot sila sa BREDCO Port, ginpaidalum sa swab test kag gindala sa facility quarantine.
Naguwa ang resulta kahapon, July 31 nga positibo ang tatlo sa COVID-19.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
