Mambusao, Capiz – Arestado ang tatlo ka mga persona sa banwa sang Mambusao matapos nga nagtuga sang gamo kag alarma alas 7:35 sang aga sa Consolacion Street Brgy Poblacion Proper, Mambusao, Capiz.
Nahibaluan nga nagluntad ang komosyon sa tunga sang persona nga si Donato Lava y Laab, 51-anyos sang Brgy Libo-o Mambusao kag sa mag-amay nga sanday Rolando Launio, 61-anyos kag 37-anyos nga anak nga si Rolly Lacao Launio kabangdanan nga ginpangdakop ang mga ini sang nagresponder nga mga kapulisan.
Narekober kay Rolando Launio ang isa ka kutsilyo samtang baton naman ang nakuha sa anak sini nga si Rolly Launio.
Sang ginrekisa sa police station, narekober nagikan sa ginasuksok nga bag ni Donato Lava ang isa ka unit sang black widow .22 caliber revolver nga may lima ka mga bala.
Ang nasambitan nga mga persona ang natalana nga pasakaan sang nagakaigo nga kaso.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
