Isa ka menor de-edad nga siyam ka bulan nga nagabusong nga miembro sang New People’s Army (NPA) ang nag-surrender sa mga katapo sang 94th Infantry Battalion sang Philippine Army sa Brgy. Cabcaban, Bindoy, Negros Oriental.
Gin-updan sang iya iloy ang minor sa pagsungka sini sa mga katapo sang militar.Sa impormasyon nga nakuha sang DYHB, ang pag-surrender sang 17-anyos nga babaye ang resulta sang Community Support Program sang military sa lugar. Ginpahanugutan ang menor de edad nga maguwa sa grupo bangud sang mabudlay niya nga sitwasyon bangud siya ang nagabusong.Ini ang nagsulod sa NPA sadtong nakaligad nga bulan sang Mayo.
Samtang may duha pa gid ka mga NPA members ang nag-surrender naman kay Mayor Carlo Jorge Reyes sang Guihulngan City. Ginkilala ni Lt. Col. Melvin Flores, sang 62nd IB, ang duha ka surrenderees nga sanday Ka Jomar kag Ka Mari.
[image: image.png]
