Tatlo ka persona, pilason sa bunggoanay sang motorsiklo kag traysikol sa national highway sa Barangay Bolo, Roxas City!

13

Roxas City, Capiz – Pilason ang tatlo ka mga persona sa bunggo-anay sang motorsiklo kag traysikol kaina sang aga sa Barangay Bolo syudad sang Roxas.
Nakilala ang mga pilason nga amo sanday EJ Blanco kag Mark Anthony Aranila, lunsay residente sang Barangay Manhoy, Dao, Capiz samtang pilason man ang driver sang traysikol nga ginkilala kay Jay Billon, residente sang Barangay Bolo, Roxas City.
Nagaguha sa inisyal nga imbestigasyon sang traffic section sang Roxas City PNP, padulong sa trabaho sanday EJ Blanco kag Mark Anthony Aranila kag ginasubay ang national highway.
Ginapahayag nga nag-overtake ang mga ini sa ginasundan nga salakyan apang wala makalkula ang manibela kag aksidente nga nabunggo(head-on) sa kasugata nga traysikol nga ginamaneho ni Jay Billon.
Madasig naman nga nagresponde sa lugar ang mga personnel sang Capiz Emergency Response Team(CERT) para tatapon ang mga biktima antes dal-on sa ospital.
May kaangut sini, ginpanugyanan ni Kapitan Sioly Andrade ang tanan nga mga motorista nga naga-agi sa national highway sa Barangay Bolo nga magdoble gid sa paghalong samtang nagamaneho sang salakyan.

Facebook Comments