Roxas City, Capiz – Kaso nga paglapas sa Republic Act 9165 ukon Dangerous Drugs Act of 2002 ang paga-atubangon sang tatlo ka mga persona nga nadakpan sa ginkasa nga buy bust operation sang mga kapulisan sa Capricho II Barangay Tanque, Roxas City pasado alas 5 sang hapon.
Nakilala ang mga subject person kanday Cyril Delos Santos alyas Adong, 35-anyos; Manilyn Bulay 39- anyos sang Barangay Dayao kag Floresto Dogelio Jr, 39- anyos, residente sang banwa sang Maayon.
Natigayon nga marekober sa mga ini ang lima(5) tanan ka mga plastic sachet sang ginasuspetsahan shabu, P1,000 nga buybust money, isa ka unit sang cellphone kag iban pa nga mga drug paraphernalia.
Ang amu nga operasyon ang natigayon paagi sa ginhugpong nga pwersa sang Station Drug Enforcement Team(SDET) sang Roxas City Police Station kag Philippine Drug Enforcement Agency(PDEA).
