Tatlo patay sa aksidente sa dalan

Patay ang tatlo sa aksidente nga nagbunggu-anay ang duha ka motor kag SUV nga salakyan pasado las otso sang gab-i, Disyembre 9 sa kilometrahe 39, Barangay Nacao banwa sang Siaton, Negros Oriental.

Ginkilala ang nagkalamatay nga sanday; Jason Gaitera Ajer, legal ang edad sang Brgy. 3 banwa sang Siaton kag drayber sang Yamaha mio nga motor, Gregorio Encabo Jr., 54 anyos drayber sang Honda Xrm nga motor kag angkas sini nga si Nenito Rebotazo, 61 anyos.

Sa imbestigasyon, nag-overtake ang SUV sa bus kag iya nabungguan ang kasugata sini nga duha ka motorsiklo nga gintunaan sang kamatayon sang tatlo.
Gilayon naman nga nagsungka sa otoridad ang drayber sang SUV.


[image: image.png]

Facebook Comments