Giila ang mga dinakpan nga mao Sila Alnan Jay Suico, dunay kapuyo, istambay, ug nagpuyo sa Purok IKP-Ipil, Barangay Duterte Agdao, ug Romeo Jala, 30 anyos, dunay kapuyo, ug residente sa kilometer 12, Panacan dakbayan sa Dabaw.
Gikasa ang operasyon sa mga otoridad human malampusong nasirado ang iligal nga transaksiyon tali sa mga suspek ug sa mga otoridad diin human gitunol sa mga dinakpan ang usa ka sachet sa gitohoang shabu ug gidawat ang bayad gilayon gipusasan ang duha sa mga pulis.
Atol sa pagkapkap sa mga otoridad nakuhaan pa ang duha og laing duha ka sachet sa droga nga mukantidad tanan og 13-mil ka pesos, sumpak nga dunay usa ka bala iya sa 9mm, ug uban pang paraphernalia.
Ang duha gilayon gipansak sa selda sa Sasa PNP ug giandam na sab ang kaso may kalapasan sa Republic Act 9165 kon Comprehensive Dangerous Drugs Act of 2022.
Padayon nanawagan si Police Major Jake Goles sa mga pushers nga hunongon na ang ilang ilegal nga operasyon samtang wala pa sila masakote ug tahakon na ang pag-usab sa dagan sa kinabuhi aron dili magmahay sa kaulahian.
RadyoMaN Joel Viray
