Gidepensa sa usa ka taxi driver ang iyang kaugalingon, sabay sa iyang pag-ingon nga walay iyang kasal-anan sa traffic accident nga nahitabo sa dalan Concordio Diel Carmen ning syudad kagabi-e nga nag-resulta sa pagka hospital sa walo ka mga tawo.
Matud ni Lolito Taganas Estoque nga driver sa E2M Taxi, nga ang motorela nga gimaniho ni Romy Penis Toledo ang mibangga sa iyang taxi hinungdan sa maong traffic accident.
Matud ni Estoque nga na-detain sa Carmen Police station, nga kusog ang dagan sa motorela ni Toledo nga dunay sakay nga pito ka mga tawo sa dihang mibangga kini sa right portion sa iyang fender nga nag-resulta sa maong insidente.
“Dili ko mosugot nga kasuhan oy kay dili man akong sala” matud ni Estoque sa interview sa RMN news.
