Detinado karon sa Maharlika Headquaters ang 33 anyos nga taxi driver nga si Jun Cris Gumahin, minyo nga taga-Singapore, Balongis, Barangay Balulang ning syudad.
Kini human makuhaan sa armas ug illegal nga druga sa gihimong checkpoint sa Barangay Lumbia ning syudad.
Matud ni Police Chief Insp. Julius Clark Prisco Macariola IV, sa Divisoria Police Station nga nakadawat sila og report kalabot na sa maong driver.
Tuod man, ila gilayon kini gipahibalo sa mga personahe sa City Mobile Force Company ug Task Force Oro nga nag-checkpoint sa Lumbia aron ma-flagged down.
Gani misulay pa sa pag-hurdle sa checkpoint ang suspek kinsa nagbyahe gikan sa Wao, Lanao del Sur apan nababagan gihapon kini.
Nakuha gikan sa suspek ang balor sa dos mil pesos nga balor sa shabu, usa ka caliber .45 nga armscor pistol, mga buhing bala ug XRM motor nga adunay plate number 100010261264.
Ang mao usab nga pagkuha sa mga ebidensya ang gisaksihan sa usa ka kagawad sa Barangay Lumbia.
Matud pa nga nasikop na usab tungod sa kalambigitan sa illegal nga druga ang asawa ni Gumahin.
Sa karon, nag-atubang na ang suspek sa kasong pagsupak sa election gun ban ug sa Republic Act 9165.
By: RadyoMaN Ellah Baculio
