Magapatuman sang tax holiday ang Koronadal City Treasurer’s Office nga makabenepisyo ang mga taxpayers sang syudad.
May-angot sini, suno kay Koronadal Treasurer Marloun Gumbao, magahatag sang 15 porsyento nga diskwento sa tax nga bayaran ang mga taxpayers sang lokal nga panggobyerno.
Pahayag ni Gumbao nga ipatuman ini sa masunod nga tuig bilang pagsunod sa ordinansa sang syudad.
Suno kay City Treasurer Gumbao daku ang nangin epekto sang COVID-19 sa mga pumuluyo ilabi na sa mga negosyante amo nga dapat suno pa nga magbinuligay.
Ginhatagan pa sini punto nga indi masyado ang epekto sa Real Property ukon RPT tax ang pademya kundi daku ang nangin epekto sini sa business activity.
Aminado si Gumbao nga may-yara ini sang domino effect tungod ang daku nga ginakuhaan sang pondo sang LGU amo ang local business tax.
Samtang magapatigayon naman suno pa sang re-assessment ang city treasurer’s office sa mga industriya sa Koronadal kag tungod sa pandemya ginalauman nila nga mabuhinan ang tax declaration sa masunod nga tuig.
