Davao City – Nisaka ang numero sa kaso sa Tuberculosis (TB) sa tibuok rehiyon 11 sa milabay’ng tuig 2017.
Kini ang gibutyag ni Evelyn Gelito sa Regional Tuberculosis Prevention & Control Program diin mokabat sa 13,000 ka mga kaso ilang natala, mas taas kun itandi sa record sa 2016 nga di moubos sa 12,000 nga kaso.
Sumala ni Gelito, sagad rason sa pagtaas sa kaso mao ang wala pagpakonsulta sa mga pasyenteng aduna nay ginabati diin ginalauman nilang ma-identify ang mga wala pa natala nga kaso sa maong sakit.
Sugyot sa tigpamaba, mamahimong magpakonsulta sa ilang mga barangay health centers ilabina kung nilapas na sa duha ka semana ang pag-ubo gumikan libre kini.
Aron usab malikayan ang maong sakit, seguroha nga mag-excercise, mokaon ug saktong pagkaon, likayan ang droga ug matulog og sakto aron ma-mentenar ang maayong panlawas.
RadyoMaN Jason Amisola
