Davao City – Sikop ang usa ka lalaking magtutudlo atol sa gilusad nga buy bust operation sa mga awtoridad alas-10:40 kagabii.
Sa report sa Sta. Ana Police Station, giila ang dinakpan nga usa ka Rashid Diez Amerkhan alias “Rashid”, 32 anyos, lalaki, residente sa Santiago Villa, Catalunan Grande, usa ka magtutudlo.
Sa imbestigasyon, kumpirmadong nagapamaligya ang arestado ngadto sa LGBT community ug sa mga estudyante sa mga tunghaan sa may Maa, Obrero ug kasikbit nga lugar.
Nakuha gikan sa suspect ang mga elongated transparent heat-sealed plastic sachets nga adunay gituohang shabu mokantidad og P3,000 ug ubang gamit niini.
Ang dinakpan anaa sa Directorate for Intelligence Drugs Watchlist ug mag-atubang og kasong kalapasan sa R.A 9165 kun Comprehensive Dangerous Drugs Act of 2002.
RadyoMaN Renz Barbarona
