LA CASTELLANA – Ginkalipay ni Mayor Rhumyla G. Nicor-Mangilimutan ang pagtambong sang kapin 3 mil ka mga pumuluyo sang La Castellana sa ginpatigayon nga opening salvo sang ila grupo ang Team Arangka .
Ala una ang takna sang kahapon sang hapon,Marso 29 sang nagpatigayon sang caravan ang ila grupo kag naglibot sa 13 ka mga barangay sang banwa.
Nangin mainit naman ang pagbaton sa ila sang mga pumuluyo sang tagsa ka barangay.
Suno kay Mayor Mhai nga indi sya makapati nga may nag-upod sa ila caravan nga 459 tanan ka mga motorsiklo, bangud nga ang iya ginapaabot nga 5 tobtob napulo lang ang ara nga magaserbe guide sa ila caravan nga ginaupdan naman sang isa ka banda.
Dugang pa sang alkalde nga bisan pa madamo sang nagasuporta sa iya apang sa gihapon, todo ang iya nga pagkampanya sa mga barangay.
Nagapanawagan man ini sa mga botante sang La Castellana nga magboto sang mga kandidato nga handa magserbisyo sa mga pumuluyo.
Sa madumduman si Mayor Mangilimutan ang nangin Most Outstanding Mayor sang sa sulod sang 2 ka tuig sang Superbrands International kag may mga award pa gid ini gikan sa DILG.
