Gin-confirm sa DYHB ni Governor Eugenio Jose Lacson nga maga-abot na sa probinsiya ang technician nga maga-operate sang machines sa Molecular Laboratory sa Teresita Locsin Jalandoni Provincial Hospital (TLJPH) sa ciudad sang Silay.
Suno kay Lacson, sa Mayo 24 maga-abot ang chartered flight sa diin sakay ang technician nga magabulig sa pag-operate sang PCR machine sa provincial hospital.
Preparado naman ang 12,000 test kits apang suno sa gobernador, kinahanglan pa ang accreditation sang Department of Health kag Research Institute for Tropical Medicine (RITM) antis maka-operate ang bio lab sang probinsiya.
Nagalaom man si Lacson nga sa labing madali nga panahon maka-operate na ang bio lab agud mangin madasig ang COVID-19 testing sa probinsiya ilabi na sa mga nagapauli nga OFWs kag mga Negrense.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
