Usa ka TechnoPark ang tukoron sa Misamis Oriental partikular sa Barangay Moog ug Tubajon, Laguindingan, Misamis Oriental.
Mahinumduman nga niadtong Abril 25 gipahigayon ang groundbreaking ceremony sa maong imprastraktura pinaagi ni Fr. Wilson Legazpi kinsa president sa AyalaLand Logistics Holding Corporation.
Lakip sa mitambong sa maong groundbreaking silang Ms. Rowena Tomeldan, ang president sa AyalaLand Logistics Holding Corporation, BGen. Charito Plaza, ang director General sa Philippine Economic Zone Authority, mayor sa Laguindingan ug si Gov. Yevgeny Emano.
Mokabat sa 105 ka ektarya ang gilapdon sa maong luna nga dunay nakaandam nga pondong mokabat sa kapin 53 milyones pesos.
Gipahibalo usab sa PEZA nga dunay kapin 2 bilyones pesos nga ilang gigahin pinaagi sa korporasyon sa AyalaLand Logistics Holdings.
Samtang, Gibutyag ni Ms. Tomeldan nga ang maong TechnoPark pinakabag-o dinhi sa Northern Mindanao nga makahatag sa mga negosyo ug panginabuhian aron molambo ang ekonomiya sa lalawigan.
Lauman usab nga mas modaghan ang employment opportunities pinaagi sa maong world-class technopark.
