Davao City- Giplastar na sa lokal nga panggamhanan sa Maco ang mamahimong shelter tents para sa mga apektadong pamilya sa landslide sa Maco, Davao de Oro.
Sumala ni Joel Penido, Alternate Resource Center Head, aron dili maapektuhan ang klase sa mga estudyante sa mga eskwelahang gigamit nga evacuation centers magsilbi nila kining temporaryong puy-anan.
Ang mga tents maggikan sa Philippine Red Cross nga imuntar sa luna sa Elizalde Quasi Parish sa Brgy. Elizalde, Maco.
Samtang, padayon pang ginapangita’ag pamaagi sa Provincial Government sa Davao de Oro ang relocation site para sa maong mga pamilyang dili gayod makabalik sa Barangay Masara human kini girekomendar nga no habitation.
Gibutyag ni Penido, 1,482 families o 5,344 ka mga indibidwal ang gihikling sa 12 ka mga evacuation centers sa Maco.
RadyoMaN Aimee Guinita
Facebook Comments
