Davao City – I-require na ang tanang air passengers pasulod og Davao City International Airport nga mag-presenta og negative RT PCR Test result.
Sa interbyu sa RMN Davao kang Generose Tecson, City Tourism Operations Office chief, naaprubahan na sa Inter Agency Task Force ang request sa LGU Davao nga himuon na kining mandatory.
Sumala ni Tecson, dili tugotan sa airlines ang mga pasaherong makasakay paadto’g Davao kung wala kiniy naka-RT PCR test gikan sa gigikanan niining lugar.
Gihulat na lang ang guidelines ug lokal nga ordinansa aron hingpit na kining mapatuman sa syudad.
“Mayor already asked IATF kung test before flying kasi unfair doon sa mga tested na, finally approved na so awaiting guidelines na lang po tayo,” sumala ni Tecson.
Nagpahimangno si Tecson sa mga travelers nga sa mga accredited RT PCR Laboratories magpa-test ug kung aduna kiniy QR Code i-scan kini aron masigurong dili kini peke.
RadyoMaN Aimee Guinita
