General Santos City–Gipasigarbo ni South Cotabato Governor Reynaldo Tamayo Jr. nga ang testing facility sa South Cotabato maoy pinaka-unang testing facility nga Public-Private Partnership kon PPP sa nasud.
Pag-angkon niya nga dili gyud kaya sa Provincial Government nga makapalit o makapatukod ug susamang pasilidad hilabina nga dakong kantidad ang gikinahanglan.
Apan dako ang iyahang pagpasalamat nga anaa ang mga pribadong sektor nga naga-suporta sa lokal nga panggamhanan sa South Cotabato rason nga nahimong posible ang testing facility sa probinsya.
Dugang pamahayag ni Gov. Tamayo nga dili lang para sa probinsya sa south cotabato ang maong testing facility kondili para sa ubang lugar nga nagkinahanglan usab ug serbisyo.
Apan giklaro sa Gobernador nga wala pa gyud natapos ang problema sa virus rason nga dili pa niya paablihan ang border sa probinsya tungod karon pa lang sila naghinay-hinay sa pagbuhi sa ilang ekonomiya.
Dili niya gusto nga subli pang masudlan ug covid-19 ang probinsya gumikan higayon nga dili mu-agi ug protocol ang mga magpositibo, mubalik na pud sila sa sinugdanan.(LVR)
