TFK: NBI dapat ginpasummon anay ang mga natungdan antis i-file ang kaso nga murder sa natabo kay Atty. Erfe

263

BACOLOD CITY – Gina-question sang Task Force Kasanag (TFK) ang procedure nga ginhimo sang National Bureau of Investigation, NBI sa ila pagpasaka sang kaso nga murder kag frustrated murder batuk sa 11 ka mga individual, 5 diri pulis kag 1 ka abogado.

Ini ang pahayag ni Task Force Kasanag, Secretary General John Chiong angut sa kaso nga ginpasaka sang NBI batuk sa ila nanday Catherine Berioso Cabuga ukon mas kilala bilang si Kate Brios, Shirley Berioso, Caselyn Berioso-Ortiz, Atty. Jose Max Ortiz, P/Ssupt. Francisco Ebreo, P/supt. James Adrian Albaytar, SPO2 Joshua Barile, PO3 Ronald Ortiz, isa ka print media kag John Does and Jane Does.


Suno kay Chiong, dapat nga nag-issue anay sang subpoena ang NBI sa mga akusado nga individual agud makuha ang ila bahin kag kon kinahanglan ang ebidensya antes ginfile sa Prosecutor’s Office.

May kaangtanan ini sa natabo nga pag-ambush kay Atty. Erfe del Castillo kag sa iya kaupod/fiancé nga si Efren Palmares Jr. sadtong December 21, 2018 sa Talisay City.

Sadtong January 8, nag submit sang iya sworn statement sa NBI Western Visayas si del Castillo kag nagsiling nga siya gid ang target sang amo nga ambush bangud nga ang tanan nga igo sang bala ang yara sa passengers side.

Sa amo nga insidente, wala nakasalbar kag napatay gid ang kaupod ni Atty. del Castillo nga si Palmares./dyHB BACOLOD

Facebook Comments

From Advertisers