TFM nagpasalamat kay Presidente Duterte sa madasig nga pagpanagtag sang CLOA

535

SAGAY CITY, NEGROS OCCIDENTAL – Kapin 2 mil ka mga katapo sang Task Force Mapalad sa bilog nga Negros Occidental ang nag-abot sa Sagay City agud ipakita ang ila pagpasalamat kay President Duterte angot sa iya pag-distribute sang Certificate of Land Ownership Award – CLOA.

Suno sa head sang TaskForce Mapalad nga si Letty Tarlac nga may yara ini siya sang ginpadala nga sulat sa Presidente agud nga mahatagan man sang solusyon ang kaso sang ila iban nga miembro nga may pending pa nga CARP application sa Department of Agrarian Reform.

Ginadayaw ni Tarlac si President Duterte bangud sa kadamo na sang presidente sang Pilipinas, siya lang ang naka-panghatag sang tuman ka damo nga duta kon diin kapin 2,500 ka mga mangunguma ang naka benepisyo.

Sa pihak nga bahin, ginpahayag naman sang secretary-general sang National Federation of Sugar Workers – NFSW, Butch Lozandi nga sa matuod tuod lang wala sang land reform program ang Duterte Administration.

Paathag ni Lozandi nga ang mga nahatagan sang CLOA ang naghalin pa sang nagligad nga administrasyon apang subong lang gin-tingub panghatag sang Department of Agrarian Reform-DAR./YVES MONTECILLO

Facebook Comments